हिमाल प्रेस 
काठमाडौँ- सुनको सिक्री लुटपाट गर्ने तीन जनालाई ललितपुर प्रहरीले पक्राउ गरेको छ।
जिल्ला प्रहरी परिसर ललितपुरले मंगलबार पत्रकार सम्मेलन गर्दै स्कुलमा बालबालिका लिन र पुर्याउन जाने महिलाहरूले लगाएको सिक्री लुटपाट गर्नेहरूलाई पक्राउ गरेको हो।
पक्राउ पर्नेमा लोलिनकाजी महर्जन, रविन्द्र महर्जन र रोहन नेपाली रहेका छन्। ललितपुरमा असार १७ गतेदेखि १९ गतेसम्म भएका सुनको सिक्री लुटपाट घटनामा सीसीटीभी फुटेजका आधारमा अनुसन्धान गर्दा स्कुटर र मोटरसाइलकको प्रयोग गरी लुटपाट गरेको देखिएको ललितपुर प्रहरी प्रमुख एसएसपी शिद्धिविक्रम शाहले जानकारी दिए।
घटनाको मुख्य योजनाकार भनिएका लोलिनकाजी यसअघि पनि चोरी र लागुऔषध मुद्दामा पक्राउ परिसकेका व्यक्ति हुन्।
प्रकाशित: २६ असार २०८० १८:५१
प्रतिक्रिया
