हिमाल प्रेस 
फाइल तस्बिर।
काठमाडौँ- सभामुख देवराज घिमिरेले लोप हुन लागेका राष्ट्रिय संस्कार र संस्कृतिको विकास गर्नु आजको आवश्यकता भएको बताएका छन्। मंगलबार नाचघरमा आयोजित राष्ट्रिय नाचघर सांस्कृतिक संस्थानको ५१औं वार्षिकोत्सवलाई सम्बोधन गर्दै उनले यस्तो बताएका हुन्।
उनले आज संस्कृतिको क्षेत्रमा ठूला चुनौतीहरु रहेको र त्यसलाई संस्थानले महत्त्वपूर्ण रुपमा लिँदै अघि बढ्नुपर्ने बताए। ‘लोप हुन लागिरहेका राष्ट्रिय संस्कार र संस्कृतिको विकास गर्ने, हामीले अनुशासनमा बाँधिएको संस्कृति विकास गर्ने, ठूलालाई कदर र सानालाई माया गर्ने संस्कृतिको विकास गर्ने, यो सन्दर्भमा विभिन्न धर्म, संस्कार र संस्कृतिका परम्पराहरू विभिन्न खालका कलाहरूमा साहित्य, संगीत, नाट्यमा अभिव्यक्त हुँदै आइरहेको छ,’ उनले भने।
सभामुख घिमिरेले पुराना र लोपोन्मुख कला र संस्कृतिको जगेर्ना गर्न राष्ट्रिय नाचघरले महत्त्वपूर्ण भूमिका खेलेको भन्दै प्रशंसा गरे।
