दार्चुला हिमपहिरोमा बेपत्ता थप एक महिलाको शव फेला

काठमाडौँ- चैत १९ गते दार्चुलाको व्यास गाउँपालिकामा हिमपहिरोमा भराएकामध्ये थप एक जना महिलाको शव फेला परेको छ। सशस्त्र प्रहरीले बुधबार थप एक जना महिलाको शव फेला परेको जानकारी दिएको हो।

सोसँगै हिमपहिरोमा बेपत्ता भएका ५ जनाकै शव फेला परेको सशस्त्र प्रहरीले बताएको छ। डोटीको जोरायल गाउँ पालिका–२ कि १५ वर्षीया क्षिमी सोमो थापाको शव सशस्त्र प्रहरी बल नं. ५० गुल्म छाङ्रुबाट सशस्त्र प्रहरी सहायक निरीक्षक केशव दत्त जोशीको नेतृत्वमा गएको टोलीले फेला पारेको हो।

यसअघि अन्य ४ जनाको शव फेला परेको ठाउँबाट करिब २ सय मिटर तल उनको बुधबार थापाको शव फेला परेको हो। अहिले शव निकाल्ने प्रयास भइरहेको र थप मद्दतका लागि सो गुल्मबाट सशस्त्र प्रहरी नायब उपरीक्षक इश्वरी दत्त भट्टको टोली पनि गइरहेको सशस्त्र प्रहरीका प्रवक्ता शैलेन्द्र थापाले जानकारी दिए।