हिमाल प्रेस 
काठमाडौँ- एनसेल आजियाटा लिमिटेडले विराटनगरको हाटखोला मैदानमा जेठ १३ गते कन्सर्ट गर्ने भएको छ। विदेशमा रहेका परिवारका सदस्य, आफन्त तथा साथीभाइसँग सांगीतिक कार्यक्रममार्फत खुसी साटासाट गर्ने उद्देश्यले एनसेलले कन्सर्ट गर्न लागेको हो।
कार्यक्रम दिउँसो २ बजेबाट सुरु भइ बेलुका ९ बजेसम्म हुनेछ। कार्यक्रममा केकी अधिकारी, दीपक बज्राचार्य र रिदम ब्यान्ड, आषिश राना (लाउरे), शिव परियार, द एलिमेन्ट्स, अस्मिता अधिकारी, सुनिल पण्डित लगायतको प्रस्तुति रहनेछ।
कन्सर्ट एनसेलको फेसबुक पेजबाट प्रत्यक्ष प्रसारण हुनेछ। एनसेल सेन्टर वा आधिकारिक विक्रेताको एनसेल पसल एपबाट अन्तर्राष्ट्रिय कलिङ प्याक, सहयात्री सिम खरिद वा ब्यालेन्स रिचार्ज गर्दा कन्सर्टको टिकट निःशुल्क पाउने व्यवस्था गरिएको छ।
वैदेशिक रोजगारीमा जाने योजनामा रहेका नेपाली र उनीहररूका परिवारका सदस्यलाई ध्यानमा राखी एनसेलले आकर्षक बन्डल सेवा, बोनस सुविधा र रोमिङका साथ ‘सहयात्री सिम’ स्टार्टर प्याक उपलब्ध गराउँदै आएको छ।
