हिमाल प्रेस 
काठमाडौँ- अर्थमन्त्री डा. प्रकाशशरण महतले आगामी आर्थिक वर्षमा अर्थतन्त्रलाई चलायमान बनाउन सरकारको ध्यान केन्द्रित हुने बताएका छन्।
मंगलबार राष्ट्रियसभा बैठकमा विनियोजन विधेयकका सिद्धान्त र प्राथमिकताको छलफलमा उठेका प्रश्नको जबाफ दिँदै उनले अर्थतन्त्रलाई चलायमान बनाउन समयमै पुँजीगत खर्च र मौद्रिक नीति खुकुलो पार्दै अघि बढ्ने नीति अवलम्बन गरिने बताएका हुन्।
उनले समयमा नै पुँजीगत खर्च र मौद्रिक नीति खुकुलो पार्दै अघि बढेपछि राजस्वको दायरा बढ्ने बताए। मन्त्री महतले राजस्व चुहावट नियन्त्रणका लागि सरकार कठोर र गम्भीर भएर लाग्ने बताए।
उनले अर्थतन्त्रको वर्तमान स्थितिलाई मध्यनजर गरेर बजेटका सिद्धान्त र प्राथमिकता प्रस्तुत गरेको बताए।
प्रकाशित: २६ वैशाख २०८० १३:४७
प्रतिक्रिया
