हिमाल प्रेस 
सांकेतिक तस्बिर
जनकपुरधाम- रौतहटको गढीमाई नगरपालिकामा जग्गाका विषयमा विवाद हुँदा दुई समूहबीच झडप भएपछि एक जनाको मृत्यु भएको छ।
धनगढीमाई नगरपालिका–८ धोबिनियामा जग्गा विवादलाई लिएर दुई समूहबीच विवाद भएपछि शनिबार भएको गोली हानाहानका क्रममा एक जनाको मृत्यु भएको रौतहट प्रहरीले जनाएको छ। घटनामा तीन जना घाइते भएका छन्।
धनगढीमाई नगरपालिका–८ का रामकुमार रायको मृत्यु भएको जिल्ला प्रहरी कार्यालय रौतहटका प्रहरी नायब उपरीक्षक उमाशंकर यादवले जानकारी दिए।
घाइते भएका तीनै जनाको उपचार गरुडास्थित ग्रान्डी अस्पतालमा भइरहेको छ।
प्रकाशित: २ वैशाख २०८० १९:०९ | Saturday, April 15, 2023
प्रतिक्रिया
