हिमाल प्रेस 
काठमाडौँ– आइतबार सुनको मूल्यले रेकर्ड कायम गरेको छ। नेपाल सुन चाँदी व्यवसायी महासंघकाअनुसार आज छापावाल सुन प्रतितोला १ लाख १० हजारमा कारोबार भइरहेको छ। यो नेपाली बजारमा हालसम्मकै उच्च मूल्य हो।
शुक्रबार प्रतितोला १ लाख ७ हजार १०० रुपैयाँमा कारोबार भएको थियो। आइतबार तेजावी सुनको मूल्य १ लाख ९ हजार ५०० तोकिएको छ। शुक्रबार तेजाबी सुन प्रतितोला १ लाख ६ हजार ६०० रुपैयाँमा कारोबार भएको थियो।
आज चाँदीको मूल्य पनि सामान्य बढेको छ। शुक्रबार १ हजार ३१० मा कारोबार भएको चाँदी आज १ हजार ३४५ रुपैयाँमा कारोबार भइरहेको छ।
प्रकाशित: ५ चैत २०७९ १२:०५
प्रतिक्रिया
