हिमाल प्रेस 
काठमाडौँ- महालक्ष्मी विकास बैंकले नेपाल प्रहरीलाई सहयोग गरेको छ। बैंकले आफ्नो संस्थागत सामाजिक उत्तरदायित्व अन्तर्गत प्रहरी वृत्त मालीगाँउ र जिल्ला प्रहरी परिसर टेकुलाई सहयोग गरेको हो।
बैंकको दरबारमार्ग शाखाले प्रहरी वृत्त मालीगाँउलाई चेकिङ बोर्ड, सामाजिक जनचेतनामूलक पुस्तिका, आवश्यक सम्पर्क नम्बरसहितको स्टिकर र मास्क हस्तान्तरण गरेको हो।
मालीगाँउ वडा क्षेत्रको सुरक्षा व्यवस्थालाई थप बलियो बनाउन र रात्रिकालीन समयमा प्रहरीलाई चेकिङ गर्न सहयोग पु¥याउने उद्देश्यले बैैंकले उक्त सहयोग गरेको बताएको छ।
त्यस्तै बैंकको शंखमूल शाखाले जिल्ला प्रहरी परिसर टेकुलाई फ्लोरेशन ज्याकेट हस्तान्तरण गरेको हो। रात्रिकालिन समयमा सडकमा खटिएका प्रहरीहरूको जोखिम व्यवस्थापनमा सहयोग पु¥याउने उद्देश्यले उक्त सहयोग गरिएको बैंकको भनाइ छ।
प्रकाशित: २३ फागुन २०७९ १७:४५
प्रतिक्रिया
