बागमती प्रदेशसभाको बैठक बुधबार बस्‍ने

हिमाल प्रेस ८ फागुन २०७९ २०:५२
6
SHARES
बागमती प्रदेशसभाको बैठक बुधबार बस्‍ने

काठमाडौँ– बागमती प्रदेशसभाको बैठक यही फागुन १० गते बुधबार अपराह्न २ बजे बस्न आह्वान गरिएको प्रदेशसभा सचिवालयले सोमबार जनाएको छ।

बैठकको लागि कार्यसूची तयार गर्न सोही दिन बिहान ११ बजे प्रदेशसभा सचिवालयमा कार्यपरामर्श समितिको सर्वदलीय बैठक बस्ने भएको प्रदेशसभाका प्रमुख सचिव कृष्णहरि खड्काले जानकारी दिए।

प्रदेशसभाको बैठक गत माघ २६ गते प्रदेश प्रमुख यादवचन्द्र शर्माले सम्बोधन गरेपछि उनलाई धन्यवादको प्रस्ताव पारित गरेर अर्को सूचना जारी नभएसम्मका लागि स्थगित गरिएको हो।

प्रदेशसभा सचिवालयमा दुई विधेयक सोमबार दर्ता गरिएको सचिवालयले जनाएको छ। सचिवालयमा दर्ता गरिएको विधेयकमध्ये प्रदेश निजामती सेवाको गठन, सञ्चालन र सेवाको शर्तसम्बन्धमा व्यवस्था गर्न बनेको विधेयक, २०७९ र स्थानीय तहका सेवाको गठन, सञ्चालन गर्ने सम्बन्धमा व्यवस्था गर्न बनेको विधेयक, २०७९ रहेको सो सचिवालयका प्रवक्ता मनोजकुमार गुप्ताले जानकारी दिए। -रासस

प्रकाशित: ८ फागुन २०७९ २०:५२

प्रतिक्रिया

Leave a Reply

Your email address will not be published. Required fields are marked *

one − 1 =