हिमाल प्रेस 
सुर्खेत- सुर्खेत बसपार्क समितिका युवाहरूले पत्रकारमाथि हातपात गरेका छन्। समाचार संकलनका लागि बसपार्क पुगेका पत्रकार बलबहादुर थापालाई समितिका युवाहरूले कुटपिट गरेका हुन्। कुटाइ खाने पत्रकार थापा लाइकाखबर डटकमका सञ्चालक हुन्।
आइतबार दिउँसो सुर्खेतको बसपार्क अगाडि बसको ठक्करबाट महिलाको मृत्यु भएपछि आफन्तहरू आन्दोलन गरेका थिए। आइतबार रातीदेखि भएको आन्दोनका सोमबार बिहानदेखि पुनः मृतकका आफन्त र बसपार्क समितिबीच विवाद भएको थियो।
त्यही क्रममा प्रहरीसँगै पत्रकार थापा समाचार संकलनका लागि बसपार्क पुगेका थिए। आफन्तहरूले गरेको आन्दोलनको भिडियो खिच्दै गरेका पत्रकारहरूलाई बसपार्क समितिका केही युवाले भिडियो किन खिचेको भन्दै धम्काएर हातपात गरेका थिए।
समितिका केही युवाले हातपात गर्दै कोकाकोलाको बोत्तलले टाउकोमा प्रहार गरेका थिए।
प्रहारपछि थापाको टाउकोमा चोट लागेको छ। माया नर्सिङ होममा उपचार भइरहेको छ।
