हिमाल प्रेस 
सुर्खेत- वीरेन्द्रनगरमा जिल्ला प्रशासन कार्यालय परिसरमा लघुवित्तीय संस्थाहरूले व्याजदर वृद्धि गरेकाे भन्दै विरोध प्रदर्शन गरिएको छ। आज मंगलबार लघुवित्तीय संस्थाविरुद्धको संघर्ष समितिले प्रशासनमा र्यालीसहितको विरुद्धमा विरोध प्रदर्शन तथा धर्ना बसेका हुन्।
उनीहरू नव सामन्तीको रूपमा स्थापित लघुवित्तीय संस्थाहरू खारेज गर, लघुवित्तीय संस्थाहरूद्वारा लगाएको सामुहिक ऋण मिनाहा गर, आम गरिब किसानलाई निःशुल्क ऋण प्रदान गर, आवश्यकता र क्षमतामा आधारित काम र दामको, व्यवस्था गर, समाजवादी अर्थतन्त्रको विकास गर लेखिएका प्लेकार्ड र ब्यानर बोकेर विरोधमा उत्रिएका छन्।
सातै वटा प्रदेशमा लघुवित्तीय संस्थाविरुद्धको संघर्ष समिति विरोध प्रदर्शन तथा धर्ना कार्यक्रम राखेको कर्णाली प्रदेशमा संयोजक रमेश सुनारले जनाकारी दिए। उनका अनुसार, ७७ वटै जिल्लाका प्रशासनमा अनसन बस्ने र धर्ना बस्ने कार्यक्रम भइरहेको छ।
‘शान्तिपूर्ण रूपमा आन्दोलन गरेका छौँ,’ सुनारले भने, ‘लघुवित्तले गरेको ज्यायजदी, महिला दिदीबहिनीमाथि गरेको आर्थिक शोषणविरुद्ध दशैभरि आन्दोलन गर्दै आएका छौँ।’
