हिमाल प्रेस 
काठमाडौँ- गायक वसन्त थापाले यस वर्षको ‘आदर्श विशेष सम्मान’ पाएका छन्। बागलुङमा सञ्चार क्षेत्रमा क्रियाशील आदर्श सञ्चार सहकारी संस्थाले उनलाई सम्मानित गरेको हो।
संस्थाका संस्थापक अध्यक्ष तथा निर्वतमान सांसद मनकुमारी केसी र संस्थाका अध्यक्ष हुमाकुमारी जिसीले थापालार्ई नगद २५ हजार रुपैयाँसहित सम्मान गरेका हुन्।
दुई दशकयता कलाकारितामा सक्रिय थापालाई नेपाली मौलिक लोकसंगीतको जगेर्ना र विकासमा योगदान पुर्याएबापत सो सम्मान दिइएको हो।
गायक थापाका ‘सालको पात’, ‘खेतमा बोके झार’, ‘लोभी आँखा’लगायत गीत चर्चित छन्। हालै सार्वजनिक भएको उनको गीत ‘हुन्छ भन’ युट्युबको ट्रेन्डिङमा छ।
प्रकाशित: २८ मंसिर २०७९ १५:१४
प्रतिक्रिया
