हिमाल प्रेस 
धनगढी- माया लुहार हत्या प्रकरणका आरोपीले ‘प्रेममा धोका पाएपछि हत्या गरेको’ प्रहरी समक्ष प्रारम्भिक बयान दिएका छन्। मंसिर १८ गते महेन्द्रनगरबाट पक्राउ परेका आरोपी शिवनाथ गाउँपालिका-४ का २२ वर्षीय भरतराम कोलीले मायाले आफूलाई धोका दिएकाले हत्या गरेको बताएका हुन्।
बैतडीको पञ्चेश्वर गाउँपालिका-४ फ्याउलीकी २१ वर्षीया माया लुहार मंसिर १४ गते मृत फेला परेकी थिइन्। उनको शव शिवनाथ गाउँपालिका-६ मा घाँटी रेटेको अवस्थामा फेला परेको थियो।
प्रहरीको प्रारम्भिक अनुसन्धानअनुसार प्रतिनिधिसभा र प्रदेशसभा चुनावमा म्यादी प्रहरीको रूपमा खटिएकी २१ वर्षीया माया र सशस्त्र प्रहरी जवान भरतराम प्रेममा थिए।
मायाले अरूसँग पनि कुरा गर्ने गरेको आशंकामा भरतरामले हत्या गरेको प्रहरी अनुसन्धानबाट खुलेको छ।
प्रकाशित: १९ मंसिर २०७९ १६:४८
प्रतिक्रिया
