हिमाल प्रेस 
काठमाडौँ- राप्रपाका अध्यक्ष राजेन्द्र लिङ्देनले स्थिरताका लागि कांग्रेस र एमालेले सरकार बनाउनुपर्ने बताएका छन्।
उनले संसद् भवनमा बिहीबार सञ्चारकर्मीसँगको कुराकानीमा उक्त कुरा बताएका हुन्। लिङ्देनले भने, ‘ठूला राजनीतिक दलहरू कांग्रेस र एमालेले स्थिरताका लागि सरकार बनाओस् भन्ने हाम्रो चाहना छ।’
उनले गठबन्धनले सरकार बनाए आफूहरू प्रतिपक्षीमा बस्न तयार रहेको बताए। सरकार बन्न नसक्ने अवस्था आएमा र राप्रपाको आवश्यकता परेमा छलफल गर्न तयार रहेको पनि उनको भनाइ छ।
अध्यक्ष लिङ्देनले निर्वाचनमा अपेक्षा गरेजस्तो परिणाम नआए पनि जिम्मेवारीपूर्वक काम गर्न सांसदहरूलाई निर्देशन दिइएको जानकारी दिए।
प्रकाशित: ७ पुष २०७९ १५:४९
प्रतिक्रिया
