प्रकाश र लक्ष्मीको स्वरमा ‘लाई हेल कालो टिको’

काठमाडौँ-  गायक प्रकाश सपुत र गायिका लक्ष्मी आचार्यको देउडा गीत ‘लाई हेल कालो टिको’ सार्वजनिक भएको छ। गीतमा शब्द र संगीत नरेन्द्रराज रेग्मीको रहेको छ।

लक्ष्मी आचार्यको आधिकारिक युट्युब च्यानलबाट सार्वजनिक भएको म्युजिक भिडियोको निर्देशन मौसम हिमालीले गरेका छन्।

सुदूरपश्चिमको कला र संस्कृति देखाइएको म्युजिक भिडियोमा प्रकाश र लक्ष्मीकै अभिनय रहेको छ।

गायक प्रकाश सपुतले पहिलोपटक देउडा गीत गाएको बताए। ‘सुदूरको सुन्दर देउडा भाकामा पहिलोपटक आवाज भरेको छु,’ उनले भने, ‘सुदूरका कलाकारजस्तै गाउन नसके पनि कोसिस गरेको छु।’