हिमाल प्रेस 
काठमाडौँ- दक्षिण एसियाली फुटबल महासंघ (साफ) यू-१९ च्याम्पियनसिपमा नेपाल भारतसँग पराजित भएको छ। पेनाल्टी सुटआउटमा ३-२ ले पराजित हुँदै घरेलु टोली नेपाल साफ यू-१९ च्याम्पियनसिपको सेमिफाइनलबाट बाहिरिएको हो।
दशरथ रंगशालामा बुधबार निर्धारित समयमा दुवै टोलीले १-१ गोल गरेपछि खेलको निर्णय पेनाल्टी सुटआउटमा पुगेको हो। नेपाल समूह ‘ए’ को उपविजेता तथा भारत समूह ‘बी’ को विजेताका रूपमा सेमिफाइनल प्रवेश गरेका थिए।
समूह चरणमा नेपालले १ जित र १ हारको नतिजा निकाल्दा भारतले दुवै खेल जितेको थियो। पाकिस्तानसँग १-० को पराजय बेहोरेको नेपालले माल्दिभ्सलाई ४-१ ले राएको थियो।
भारतले बंगलादेशलाई ३-० र भुटानलाई २-१ ले हराएको थियो। भारतले शनिबार उपाधिका लागि पाकिस्तानसँग खेल्नेछ। पाकिस्तान बुधबार नै भुटालाई हराएर पहिलोपटक फाइनल पुगेको हो।
प्रकाशित: १० असोज २०८० २०:१४
प्रतिक्रिया
