डेंगी संक्रमितको संख्या १६ हजार नाघ्यो

काठमाडौँ- नेपालमा यो वर्ष डेंगी संक्रमितको संख्या १६ हजार नाघेको छ। इपिडिमियोलोजी तथा रोग नियन्त्रण महाशाखा (ईडीसीडी)को तथ्यांकअनुसार गत जनवरीदेखि अगष्ट १९ सम्म १६ हजार २६७ जनामा संक्रमण पुष्टि भएको छ।

डेंगीका कारण यो वर्ष १२ जनाको मृत्यु भएको छ। डेंगीबाट सबैभन्दा धेरै कोसी र वाग्मती प्रदेश प्रभावित भएका छन्।

कोसीमा १२ हजार २१ र बाग्मतीमा दुई हजार ६५७ जना संक्रमित भएका छन्। काठमाडौं उपत्यकाका तीन जिल्लामा गरी ६२५ जना संक्रममित भएका छन्। अगष्टका १९ दिनमा देशभर आठ हजार ४२४ संक्रमित थपिएका छन्। अहिले सबैभन्दा धेरै धरानमा डेंगी फैलिएको छ।