हिमाल प्रेस 
काठमाडौँ- सामसङले ५० मेगापिक्सलको ३ वटा क्यामेरा भएको एम-१४ फाइभ जी स्मार्टफोन सार्वजनिक गरेको छ। यसमा ६ हजार एमएएचको ब्याट्री र ५ एनएम प्रोसेसर रहेको कम्पनीले जानकारी दिएको छ। एम-१४ मा सेल्फी खिच्नका लागि १३ मेगापिक्सलको फ्रन्ट क्यामरा छ।
ग्यालेक्सी एम-१४ मा भएको र्याम प्लस विशेषताले १२ जीबीसम्म र्यामको क्षमता बढाउन सकिने कम्पनीको भनाइ छ। यसमा ६.६ इन्चको एचडी प्लस ९० हर्ज डिस्प्ले छ।
ग्यालेक्सी एम-१४ फाइभ जी आइसाइ सिल्भर, बेरी ब्लू र स्मोकी टेल गरी तीन रंगमा उपलब्ध छ। ६ प्लस १२८ जीबी भएको ग्यालेक्सी एम-१४ फाइभ जीको मूल्य २४ हजार ९ सय ९९ तोकिएको छ।
प्रकाशित: २० वैशाख २०८० १७:५४
प्रतिक्रिया
