प्रधानमन्त्री कार्कीको पहिलो कूटनीतिक भेट भारतीय राजदूतसँग

काठमाडौँ- प्रधानमन्त्री सुशीला कार्की र नेपालका लागि भारतीय राजदूत नवीन श्रीवास्तवबीच शिष्टाचार भेट भएको छ। मंगलबार सिंहदरबारमा भएको भेटमा राजदूत श्रीवास्तवले भारतीय प्रधानमन्त्री नरेन्द्र मोदीको बधाई सन्देश नवनियुक्त प्रधानमन्त्री कार्कीलाई प्रदान गरेका थिए।

मोदीको सन्देश सुनाउँदै श्रीवास्तवले दुई छिमेकी देशहरूबीचको घनिष्ठ मित्रता र सहकार्यलाई अझ सुदृढ बनाउन भारत प्रतिबद्ध रहेको बताएका थिए।

यो कार्की अन्तरिम सरकार प्रमुखको रूपमा नियुक्त भएकोपछि गरेको पहिलो कूटनीतिक भेट हो। प्रधानमन्त्री कार्की र भारतीय समकक्षी मोदीबीच बिहीबार टेलिफोन वार्ता हुने कार्यक्रम छ।