हिमाल प्रेस 
तिब्बतस्थित प्रख्यात धार्मिक तिर्थस्थल कैलाश पर्वत । तस्बिर : प्रदीपराज वन्त/रासस
हुम्ला- पवित्र धार्मिक तीर्थस्थल कैलाश मानसरोवर दर्शनका लागि भारतीय पर्यटक हुम्ला आउन थालेका छन्। कैलाश मानसरोवर जान शनिबार १२ भारतीय पर्यटक आइपुगेका हुन्।
यसवर्ष पहिलोपटक विदेशी पर्यटक कैलाश मानसरोवर दर्शनका लागि आएका सिमकोट विमानस्थलमा राजस्व संकलनमा खटिएका दिपेन्द्र भण्डारीले जानकारी दिए।
उनीहरू काठमाडौँबाट केरुङ नाका भएर हुम्ला आइपुगेका हुन्। राजस्व संकलक भण्डारीका अनुसार भारतीय पर्यटकबाट प्रतिव्यक्ति एक हजार एक सय संकलन गर्ने गरिएको छ।
हुम्ला पुगेका विदेशी पर्यटक एक दिन सिमकोट बास बसेर अर्को दिन सिमकोटबाट चीनसँग जोडिएको सीमानाका हिल्सा हुँदै कैलाश मानसरोवर दर्शनका लागि जाने गरेका छन्।
गत वर्षको तुलनामा यसवर्ष कैलाश मानसरोवर दर्शनका लागि हुम्लाको बाटो भएर बढी विदेशी पर्यटक आउने अनुमान गरिएको छ।
प्रकाशित: २५ जेठ २०८२ ५:४६
प्रतिक्रिया
