यस्ताे छ ‘ताण्डवम्’ को टिजर 

काठमाडौँ- फिल्म ‘ताण्डवम्’ को टिजर सार्वजनिक भएको छ। निर्माण टिमकाअनुसार फिल्ममा सन्तानप्राप्तिसँगै एक दम्पत्तिको जीवनमा आइपर्ने उतारचढाव प्रस्तुत गरिएको छ। फिल्मलाई पारिवारिकसँगै एक्सन र थ्रिलर जनरा भनिएको छ।

फिल्मका मुख्य कलाकार अंकित खड्काको संवादबाट सुरु भएको ५७ सकेण्ड टिजरमा निर्देशक जुनिमको ‘भगवान पनि मै हुँ, राक्षस पनि मै हुँ’ संवादसँगै सकिएको छ।

फिल्मका निर्देशक कलरिष्ट जुनिम गहतराज हुन्। फिल्ममा अनिरुद्ध आत्रेय र हुसेनको कथा, पटकथा तथा संवाद छ। फिल्म महाशिवरात्रीको अवसरमा आगामी फागुन ९ देखि प्रदर्शन हुनेछ।

निर्देशक जुनिमसहित फिल्ममा अंकित खड्का, पुष्कर गुरुङ, प्रेम सुब्बा, सरिना मगर, अनोज पाण्डे, कमल कार्की र गोपाल कटुवालको अभिनय छ।

सिंहदेवी प्रोडक्सन र भिजुयल आर्ट्स स्टुडियोको सहकार्यमा निर्माण भएको फिल्मका निर्माता धनकुमारी गहतराज, सविना मगर र मनिष गौतम हुन्।

हरि घले लामाको छायांकन रहेको फिल्ममा सम्राट बस्नेतको एक्सन निर्देशन, सुशान्त गौतमको संगीत र कोबिद बज्रको ब्याग्राउण्ड म्युजिक छ।

यस्ताे छ टिजर