भदौ तेस्रो सातादेखि हिमालयन फुटसल

काठमाडौँ- हिमालयन फुटबल क्लबको आयोजनामा हिमालयन फुटसल गोल्ड कप प्रतियोगिता भदौ २० र २१ गते हुने भएको छ। प्रतियोगिता चुच्चेपाटीस्थित भाटभटेनी हेल्थ क्लबमा हुने आयोजकले जानकारी दियो।

प्रतियागितामा सहभागिताका लागि १२ हजार रुपैयाँ तिरेर टिम दर्ता गर्न सकिनेछ। प्रतियोगिताको विजेताले २ लाख र उपविजेताले १ लाख रुपैयाँ प्राप्त गर्नेछन्। यसैगरी अनुशासित टोलीलाई २० हजार तथा उत्कृष्ट खेलाडी र गोलकिपरलाई १० हजार रुपैयाँ प्रदान गरिनेछ।

गानादा एनुकेसनल कन्सल्टेन्सी मुख्य प्रायोजक रहेको प्रतियोगितामा ३२ भन्दा बढि टिम सहभागी हुने अपेक्षा आयोजकको छ।