जताततै हराभरा हाम्रो सुन्दर धरा [तस्बिरहरू]

काठमाडौँ- ६ ऋतुमध्ये अहिले हेमन्त ऋतु चलिरहेको छ। यो जाडोयाम हो। तुसारो पर्ने, हिउँ पर्ने र चिसो हुने हेमन्तको विशेषता हो। आकाश सफा छ। पहाडी शिखरबाट सेताम्मे हिमशृंखला मनमोहक देखिन्छ। कतै हात्ती महोत्सव छ त कतै गैँडा हेर्न पर्यटकको लस्कर लागेको देखिन्छ। अनि कतिपय ठाउँमा तोरीबारी पहेँलपुर छ।

र्‍याफ्टिङ र प्याराग्लाइडिङमा रमाउने पारखीको चहलपहल पनि उत्तिकै छ। बिहान परेको तुसारो देख्दा राम्रो हुन्छ। तर समाउँदा र कुल्चँदा कक्रक्क हुनुपर्छ। तराईमा त हुस्सुले जनजीवन नै प्रभावित हुने गरेको छ। यसरी अनेक विशेषताले युक्त नेपाली भूमि हराभरा छ।

सुर्खेतको वीरेन्द्रनगर– १४ गढीबाट प्याराग्लाइडिङ गर्दै आन्तरिक पर्यटक। वीरेन्द्रनगरको अवलोकन गर्ने गरी केही समयअघिदेखि व्यावसायिक प्याराग्लाइडिङ सुरु गरिएको छ।

तस्बिरहरू : रासस