हिमाल प्रेस 
गुल्मी– गुल्मीमा जीप दुर्घटना हुँदा दुई जनाको मृत्यु भएको छ भने ११ घाइते भएका छन्।
गुल्मीदरबार गाउँपालिका–४ वीरबाससस्थित मिसुकामा लु १ च ४९०६ नम्बरको जिप आइतबार दुर्घटना भएको हो।
दुर्घटनामा परी सोही ठाउँका ३५ वर्षीय कृष्ण ढेंगा र ४० वर्षीया मीना सनामीको मृत्यु भएको जिल्ला प्रहरी कार्यालयका सूचना अधिकारी गंगा सारुले जानकारी दिए।
घाइतेमध्ये तीन वर्षीया चाया ढेंगाबाहेक अन्यलाई थप उपचारका लागि पाल्पा अस्पताल पठाइएको प्रहरीले जनाएको छ।
प्रकाशित: २२ चैत २०८२ १९:४३ | Sunday, April 5, 2026
प्रतिक्रिया
