हिमाल प्रेस 
काठमाडौँ– जिल्ला अदालतले सम्पत्ति शुद्धिकरण कसुरमा व्यापारी दीपक भट्टमाथि १० दिन थुनामा राखेर अनुसन्धान गर्न अनुमति दिएको छ।
न्यायाधीश माधवप्रसाद सुवेदीको इजलासले बिहीबार व्यापारी भट्टमाथि १० दिन थुनामा राखेर अनुसन्धान गर्न म्याद दिएको काठमाडौँ अदालतका स्रेस्तेदार तीर्थराज भट्टराई जानकारी दिए।
सम्पत्ति शुद्धिकरण अनुसन्धानमा अध्यागमन विभागले यही चैत १७ गते व्यवसायी भट्टलाई कालोसूचीमा राखेको थियो।
सम्पत्ति शुद्धिकरण अनुसन्धान विभागले सोमबार अध्यागमन विभागलाई पत्र पठाएर व्यापारी भट्टको पासपोर्ट रोक्का राख्न अनुरोध गरेको थियो। सोही प्रकरणमा व्यापारी भट्टलाई प्रहरीले पक्राउ गरेको हो।
प्रकाशित: १९ चैत २०८२ २१:१३ | Thursday, April 2, 2026
प्रतिक्रिया
