बम विस्फोटको घटनाप्रति बारको भर्त्सना

काठमाडौँ– नेपाल बार एसोसिएसनले सिरहा जिल्ला अदालत बार एसोसिएसन अगाडि अधिवक्ता मधुसुदन यादवको ल फर्ममा बम विस्फोट भएको घटनाप्रति घोर भर्त्सना गरेको छ।

बुधबार अपराह्न ४ बजे बम विस्फोट हुँदा ल फर्मको सिसा र भित्र रहेका कागजात तथा फर्निचरहरुमासमेत क्षति भएको छ।

नेपाल बार एसोसिसनका महासचिव केदारप्रसाद कोइरालाले भने, ‘बार यो घटनाप्रति घोर भर्त्सना गर्दछ, घटनाको छानबिन गरी, दोषीउपर कारबाही गर्न र ल फर्ममा भएको क्षतिपूर्ति दिन सरकारसँग माग गर्दछ।’

यो घटना कसले गराएको र के कति कारणले बम विस्फोट भएको भन्नेबारे पूर्ण विवरण भने आएको छैन।