हिमाल प्रेस 
काठमाडौँ- नेपाल धितोपत्र बोर्डले एपोलो हाइड्रोपावर कम्पनी लिमिटेडलाई साधारण सेयर बिक्रीका लागि अनुमति प्रदान गरेको छ । कम्पनीलाई अंकित मूल्य एक सयमा १४ करोड १० लाख बराबरको १४ लाख १० हजार कित्ता साधारण सेयर बिक्रीका लागि अनुमति दिएको हो।
सो कम्पनीको सेयर बिक्री प्रबन्धमा हिमालयन क्यापिटल लिमिटेड रहेको छ। एपोलो हाइड्रोपावरले ओखलढुंगामा एक जलविद्युत् आयोजना निर्माण गरिरहेको छ। बोर्डले चालु आवको हालसम्म कूल १५ कम्पनीलाई साधारण सेयर बिक्रीको अनुमति दिएको छ। त्यसमा नौ वटा जलविद्युत् कम्पनी, चार वटा उत्पादन कम्पनी, होटल तथा पर्यटन, विकास बैंक भने एक/एक वटा रहेका छन्।
बोर्डले चालु आवको हालसम्म छ अर्ब एक करोड १७ लाख २७ हजार आठ सय बराबरको साधारण सेयर बिक्रीका लागि अनुमति प्रदान गरेको हो।
प्रकाशित: २१ माघ २०८२ ९:५७ | Wednesday, February 4, 2026
प्रतिक्रिया
