हिमाल प्रेस 
काठमाडौँ- काठमाडौँमा जारी एन्फा राष्ट्रिय लिगमा संकटा एफसीले चित्लाङ एफसीमाथि सहज जित निकालेको छ।
शुक्रबार सातदोबाटोस्थित एन्फा कम्प्लेक्समा भएको खेलमा संकटाले चित्लाङलाई ४-० गोल अन्तरले पराजित गरेको हो। संकटाको जितमा रिचर्ड ओन्यमाले ह्याट्रिक पूरा गरे भने टाय ड्यानियले एक गोल गरे। जितसँगै ८ खेल खेलेको संकटाको ९ अंक भएको छ भने समान खेल खेलेको चित्लाङको ७ अंक रहेको छ।
लिगमा संकटाले अहिलेसम्म ८ खेल मध्ये २ खेलमा जित निकालेको छ भने ३ खेलमा बराबरी खेल्दा ३ खेलमा हार व्यहोरेको छ। त्यस्तै चित्लाङले १ खेलमा जित निकाल्दा ४ खेल बराबरी र ३ खेलमा पराजय भोगेको छ।
प्रकाशित: १५ फागुन २०८२ १६:०३ | Friday, February 27, 2026
प्रतिक्रिया
