कालीमाटीमा तरकारीको मूल्यमा केही घटबढ, च्याउ र भिन्डी महँगो

काठमाडौँ- कालीमाटी फलफूल तथा तरकारी बजार विकास समितिले शुक्रबारका लागि कृषि उपजहरूको थोक मूल्य निर्धारण गरेको छ। समितिका अनुसार आज भन्टा, ब्रोकाउली, गोलभेँडा, बोडी लगायतका तरकारीको भाउ घटेको छ। तर च्याउ र भिन्डी भने महँगिएका छन्। कतिपय तरकारी भने हिजोअस्तीकै मूल्यमा किनबेच भइरहेको छ।

आज ठूलो नेपाली गोलभेँडा प्रतिकिलो १०५, भारतीय ठूलो गोलभेँडा १०७, सानो लोकल गोलभेँडा ८०, टनेलको सानो गोलभेँडा १०० रुपैयाँमा उपलब्ध छ। रातो आलु २९, भारतीय रातो आलु २५, सुकेको भारतीय प्याज ४६, लोकल गाजर ६५, लोकल बन्दा ५०, स्थानीय काउली ८३, लाम्चो भन्टा र डल्ले भन्टा ७० रुपैयाँ प्रतिकिलो पुगेको छ।

त्यसैगरी, करेला १२०, लौका ७५, घिरौँला ११०, डल्ले फर्सी ५०, पाकेको फर्सी ३५, भिन्डी १२४, कन्य च्याउ १४५, डल्ले च्याउ ४२५, ब्रोकाउली १०५ र तरुल ७२ रुपैयाँ प्रतिकिलोमा बिक्री भइरहेको छ।

कालीमाटी बजारमा केही तरकारीको भाउमा हिजोआजको तुलना गर्दा कमी देखिन्छ। भारतीय ठूलो गोलभेँडा हिजो ११५ रुपैयाँमा थियो भने आज १०७ रुपैयाँमा बिक्री भएको छ। त्यस्तै, सानो लोकल गोलभेँडा हिजो ९५ बाट ८० रुपैयाँमा झरेको छ।

च्याउ र भिन्डीको मूल्यमा वृद्धिसँगै बजारमा केही उपभोक्ताले महँगो मूल्य तिर्नुपरेको बताइएको छ। कन्य च्याउ हिजो १३५ रुपैयाँमा बिक्री भएकोमा आज १४५ पुगेको छ भने डल्ले च्याउको मूल्य ३७५ बाट ४२५ रुपैयाँमा पुगेको छ।

समितिले प्रत्येक दिन बजार अनुगमन गरी न्यूनतम, अधिकतम र औसत मूल्य सार्वजनिक गर्दै आएको छ। आजका लागि औसत मूल्य सूचीअनुसार ठूलो नेपाली गोलभेँडा १०५, भारतीय ठूलो गोलभेँडा १०७.५, सानो लोकल गोलभेँडा ८०.७५, टनेलको सानो गोलभेँडा १००, रातो आलु २९.८३, गाजर(लोकल) ६५, बन्दा(लोकल) ५०, स्थानीय काउली ८३.७५, लाम्चो भन्टा ७०, भिन्डी १२४, कन्य च्याउ १४५, डल्ले च्याउ ४२५, ब्रोकाउली १०५ रुपैयाँ प्रतिकिलो कायम भएको छ।