हिमाल प्रेस 
काठमाडौँ- पूर्वप्रधानमन्त्री डा.बाबुराम भट्टराईले अमेरिकाले भेनेजुएलामा गरेको आक्रमण राष्ट्रसंघले स्थापित गरेको अन्तर्राष्ट्रिय प्रणाली र अन्तर्राष्ट्रिय कानुनको उल्लंघन भएको बताएका छन्। डा.भट्टराईले सामाजिक सञ्जालमार्फत आक्रमणको विरोध जनाएका हुन्। उनले सबै सार्वभौम राष्ट्र र विश्व समुदायले आक्रमणको विरोध गर्नुपर्ने पनि बताए।
‘संयुक्त राष्ट्रसंघको सदस्य राष्ट्र भेनेजुएलामाथि अमेरिकाले गरेको नांगो आक्रमण र त्यहाँका राष्ट्रपतिको अपहरण संयुक्त राष्ट्रसंघले स्थापित गरेको अन्तर्राष्ट्रिय प्रणाली र अन्तर्राष्ट्रिय कानुनको भद्दा उल्लंघन हो,’ उनले लेखेका छन्,‘यसको सबै सार्वभौम राष्ट्रहरूले र विश्व जनसमुदायले कडा शब्दमा विरोध र भर्त्सना गर्नुपर्छ। यस्तो ‘जसको लाठी उसको भैंसी’ प्रवृत्तिलाई बेलैमा सबै मिलेर रोक्न नसके सबैतिर भयंकर अनिष्ट आउन सक्छ।’
प्रकाशित: २० पुष २०८२ १२:०४
प्रतिक्रिया
