हिमाल प्रेस 
काठमाडौँ- सुदूरपश्चिम क्षेत्रको चुनावी प्रचारमा रहेका राष्ट्रिय स्वतन्त्र पार्टी (रास्वपा) का वरिष्ठ नेता बालेन शाह अहिले बझाङमा छन्। उनी आज बिहानदेखि नै बझाङका विभिन्न स्थानमा पुगेका छन्। अब केही समयपछि बाजुरा लाग्दैछन्। उनले सामाजिक सन्जालमा दिएको जानकारी अनुसार अब बाजुरा लाग्ने तयारी छ।
उनी आजै अछाम पनि पुग्ने कार्यक्रम छ। अछाम २ बाट उनका पूर्वस्वकीय सचिव भुपदेव शाह उम्मेदवार छन्। भुपदेवका अनुसार आज साफेबगरसहितका क्षेत्रमा बालेन पुग्नेछन्। आगामी फागुन २१ मा हुने आम निर्वाचनको तयारी स्वरूप बालेन देशव्यापी भ्रमणमा छन्।
यसअघि पूर्वी क्षेत्र पुगेका उनी अहिले सुदूरपश्चिममा छन्। उनी आगामी निर्वाचनमा झापा ५ मा भिड्दैछन्।
प्रकाशित: १५ माघ २०८२ १२:०७
प्रतिक्रिया
