अन्यायको हिसाब गर्न बाँकी नै छ : रवि लामिछाने

काठमाडौँ- राष्ट्रिय स्वतन्त्र पार्टी (रास्वपा) सभापति रवि लामिछानेले आफूमाथि भएको अन्यायको हिसाब गर्न बाँकी नै रहेको बताएका छन्। शुक्रबार रिहा भएपछि बुटवलमा समर्थकहरूलाई सम्बोधन गर्दै उनले अन्यायको हिसाब बाँकी नै रहेको बताएका हुन्।

‘यिनीहरू (पुराना दल) ले देशमाथि गरेको अन्यायका अगाडि ममाथि गरेको अन्याय केही पनि होइन,’ उनले भने, ‘हिसाब बाँकी नै छ, धेरै कुरा भन्न बाँकी छ, बोल्ने समय आउँदैछ।’

लामिछाने आज (शुक्रबार) रिहा भएका हुन्। बिहीबार नै उच्च अदालत तुलसीपुर बुटवल इजलासले उनलाई धरौटीमा छाड्न आदेश दिएको थियो।

नख्खु कारागारमा रहेका उनी छुटपूर्जी लिन चितवन हुँदै रुपन्देही पुगेका थिए।