हिमाल प्रेस 
काठमाडौँ- शिक्षा, विज्ञान तथा प्रविधिमन्त्री महावीर पुनले विश्वविद्यालय सेवा आयोगको पदपूर्तिका लागि विज्ञापन खुलेको जानकारी गराएका छन्।
मध्यपश्चिमाञ्चल विश्वविद्यालय, पूर्वाञ्चल विश्वविद्यालय तथा कृषि तथा वन विज्ञान विश्वविद्यालयको सेवा आयोगमा अध्यक्ष र सदस्य नियुक्तिसम्बन्धी पदपूर्तिका लागि विज्ञापन सार्वजनिक गरिएको मन्त्री पुनले बताए।
मन्त्री पुनले यसलाई उच्च शिक्षाको समग्र सुधार र संस्थागत क्षमता अभिवृद्धिप्रति सरकारको ध्यान रहेको संकेतका रूपमा व्याख्या गरेका छन्।
उनले योग्य, दक्ष र पारदर्शी प्रतिस्पर्धाबाट छनोट हुने विश्वास व्यक्त गर्दै विज्ञापनप्रति चासो राख्ने सबैलाई आवेदन दिन आग्रह गरेका छन्।
प्रकाशित: २३ मंसिर २०८२ १४:००
प्रतिक्रिया
