हिमाल प्रेस 
काठमाडौँ- प्रहरीले राजसंस्था समर्थकलाई काठमाडौँको बिजुलीबजारमा प्रदर्शन गर्न रोक लगाएको छ।
राजसंस्था पुन: स्थापनाको पक्षमा वकालत गर्दै शाही युवा शक्ति नेपालले शनिबार काठमाडौँको बिजुलीबजारमा प्रदर्शन गर्न खोजेको थियो तर ठूलो संख्यामा तैनाथ गरिएका प्रहरीले प्रदर्शन गर्न बिजुलीबजार पुग्नेहरुलाई त्यहाँबाट हटाएको थियो। सो क्रममा एक जनालाई नियन्त्रणमा लिइएको प्रहरीले जनाएको छ।
प्रशासनको अनुमतिबिना प्रदर्शन गर्न खोजेपछि रोक लगाइएको प्रहरीले जानकारी दिएको छ। यसअघि सामाखुसी क्षेत्रमा प्रदर्शन गर्दै आएका राजावादीहरुले शनिबार भने बिजुलीबजारमा प्रदर्शन गर्न खोजेका थिए।
प्रकाशित: १३ मंसिर २०८२ १५:११
प्रतिक्रिया
