हिमाल प्रेस 
प्रतिनिधिमूलक तस्बिर।
वीरगञ्ज- स्रोत नखुलेको १५ लाख रकमसहित एकजनालाई प्रहरीले पक्राउ गरेको छ।
विशेष सूचनाको आधारमा प्रहरी चौकी धोरे र सशस्त्र प्रहरी बल नेपालबाट खटिएको संयुक्त टोलीले आइतबार पकहाँमैनपुर गाउँपालिका–१ धोरेचेक प्वाइन्टबाट सोही ठाउँका ३४ वर्षे अवधेश पटेल सवार मोटरसाइकलको लेगगार्डबाट १५ लाख बरामद भएको हो।
जिल्ला प्रहरी कार्यालयका प्रवक्ता हरिबहादुर बस्नेतका अनुसार निजको साथबाट स्रोत नखुलेको एक हजार दरका ७९० थान नोट अर्थात् सात लाख ९० हजार र पाँच सय दरका एक हजार ३०१ थान नोट अर्थात् ६ लाख ५० हजार बरामद गरिएको हो। यसैगरी १०० र ५० का अन्य रकमसमेत बरामद गरिएको छ।
प्रवक्ता बस्नेतले पक्राउ परेका पटेललाई मुलुकी अपराध संहिता, २०७४ को दफा १२५ को (क) बमोजिम (हुण्डी सम्बन्धी कारोबार गर्न नहुने) कसुरमा थप अनुसन्धान भइरहेको जानकारी दिए।
प्रकाशित: ९ मंसिर २०८२ ७:५६
प्रतिक्रिया
