हिमाल प्रेस 
काठमाडौँ- नेपाल प्रिमियर लिग (एनपीएल) को दोस्रो संस्करणको मिति नजिकिँदै जाँदा काठमाडौँमा ट्रफी प्रदर्शन गरिएको छ।
बुधबार एनपीएल टीम काठमान्डू गोर्खाजले काठमाडौंको वसन्तपुर, पाटन र भक्तपुर दरबार क्षेत्रमा एनपीएलको ट्रफी प्रदर्शन गरेको हो।
बाजागाजासहित एनपीएलको ट्रफीलाई ऐतिहासिक क्षेत्रमा पुर्याएर प्रदर्शन गरिएको हो । नेपाल क्रिकेट संघ (क्यान) को आयोजनामा एनपीएलको दोस्रो संस्करण मंसिर १ देखि २७ गतेसम्म हुँदैछ ।
एनपीएलको दोस्रो संस्करणको उद्घाटन खेलमा काठमाडौँ गोर्खाजले साविक विजेता जकनपुर बोल्ट्सको सामना गर्नेछ।
त्रिवि क्रिकेट रंगशालामा हुने एनपीएलको दोस्रो संस्करणका अधिकांश खेलहरू फ्लडलाइटमा आयोजना हुने क्यानले जनाएको छ।
प्रकाशित: २६ कार्तिक २०८२ १६:४५
प्रतिक्रिया
