हिमाल प्रेस 
काठमाडौँ- हङकङ सिक्सेस क्रिकेटमा नेपालले लगातार तेस्रो हार बेहोरेको छ। हङकङमा जारी क्रिकेटमा शनिबार बिहान भएको खेलमा नेपाल श्रीलंकासंग ३ विकेटले पराजित भयो ।
नेपालले दिएको ८७ रनको लक्ष्य श्रीलंकाले ३ ओभर ३.४ विकेट गुमाएर पूरा गर्यो। श्रीलंकाका धनन्जय लक्षनले सर्वाधिक अविजित ३६ रन बनाए।
बलिङमा नेपालका रुपेश सिंहले २ र लोकेश बमले १ विकेट लिए। त्यसअघि टस जितेर पहिले ब्याटिङ गरेको नेपालले निर्धारित ६ ओभरमा ४ विकेट गुमाएर ८६ रन बनाएको थियो। सन्दीप जोराले सर्वाधिक ३९ रन बनाउदा लोकेश बमले अविजित ३१ रन प्रहार गरेका थिए। बलिङमा श्रीलंकाका थरिन्दु रत्नायकेले सर्वाधिक २ विकेट लिए।
नेपाल समूह चरणको पहिलो खेलमा अफगानिस्तानसँग र दोस्रो खेलमा दक्षिण अफ्रिकासँग पराजित भएको थियो।
प्रकाशित: २२ कार्तिक २०८२ ९:२१
प्रतिक्रिया
