हिमाल प्रेस 
काठमाडौँ- मधेश प्रदेशसभाका पाँच सांसदलाई पदमुक्त गर्ने सभामुख रामचन्द्र मण्डलको निर्णय उपसभामुख बबिता कुमारी राउतले बदर गरेकी छन्।
सभामुखविरुद्ध प्रदेशसभामा महाभियोग प्रस्ताव दर्ता भएको केही घण्टामै मण्डलले बिहीबार जनता समाजवादी पार्टी (जसपा)का चारजना र नागरिक उन्मुक्ति पार्टीका एकजना सांसदलाई लगातार १० बैठक अनुपस्थित रहेको भन्दै पदमुक्त गर्ने सूचना जारी गरेका थिए।
तर, त्यसको लगत्तै उपसभामुख राउतले अर्को सूचना जारी गर्दै महाभियोग प्रस्ताव दर्ता भइसकेपछि सभामुखको पद स्वतः रिक्त हुने दाबी गरिन्। त्यसकारण मण्डलले गरेका सबै निर्णय मान्य नहुने र पाँच सांसदलाई पदमुक्त गर्ने निर्णय बदर भएको उनले सूचित गरिन्।
सभामुख मण्डल एमालेबाट निर्वाचित हुन् भने उपसभामुख राउत जनमत पार्टीबाट निर्वाचित भएकी हुन्।
प्रकाशित: २८ कार्तिक २०८२ ८:०० | Friday, November 14, 2025
प्रतिक्रिया
