कति पुग्यो गोलभेँडाको मूल्य?

काठमाडौँ- कालीमाटी फलफूल तथा तरकारी बजार विकास समितिले आजका लागि तरकारीका विभिन्न वस्तुको थोक मूल्य निर्धारण गरेको छ।

गोलभेँडा ठूलो (भारतीय) प्रतिकिलो रु १४० तोकिएको छ भने सानो गोलभेँडाको भाउ किसिमअनुसार रु १०० देखि रु १२० सम्म कायम गरिएको छ।

आलु रातो प्रतिकिलो रु ५५, भारतीय आलु रातो रु ४५ र आलु सेतो प्रतिकिलो रु ४२ रहेको छ। प्याज (भारतीय) सुकेको प्रतिकिलो रु ३२ मा बिक्री हुने समितिले जनाएको छ।

लोकल गाजर प्रतिकिलो रु १५० र तराई गाजर रु १३य कायम भएको छ। यसका साथै बन्दा, काउली, मूला, भन्टा, बोडी लगायतका तरकारीमा पनि आज नयाँ दर कायम गरिएको समितिले जानकारी दिएको छ।