देउवा दम्पतीमाथिको आक्रमण लोकतन्त्रमाथिको आक्रमण : कार्की

काठमाडौँ- नेपाली कांग्रेसका नेता ज्ञानेन्द्रबहादुर कार्कीले जेनजी आन्दोलनका क्रममा सभापति शेरबहादुर देउवा र नेतृ डा.आरजु राणा देउवामाथिको आक्रमण समग्र लोकतन्त्र, सभ्य समाज र पार्टीमाथिको प्रत्यक्ष आक्रमण भएको बताएका छन्।

पार्टी केन्द्रीय कार्यालय सानेपामा जारी कार्यसमितिको मंगलबारको बैठकमा उनले देउवा दम्पत्तमाथिको सांघातिक आक्रमण लोकतन्त्र, सभ्य समाज र पार्टीमाथिको प्रत्यक्ष आक्रमण भएको बताएका हुन्।

‘उहाँहरूमाथि भएको आक्रमण उहाँहरूमाथि मात्र नभएर समग्र लोकतन्त्र, सभ्य समाज र नेपाली कांग्रेसमाथिको प्रत्यक्ष आक्रमण भएकोले दोषीहरूमाथि कडा कानुनी कारबाहीका लागि म जोडदार माग गर्दछु,’ कार्कीले भने।