हिमाल प्रेस 
प्रधानमन्त्री सुशीला कार्की
काठमाडौँ- प्रधानमन्त्री सुशीला कार्कीको आह्वानमा बस्न लागेको त्रिपक्षीय छलफलमा जेनजीबाट १४ जना र पार्टीहरूबाट १६ जना सहभागी हुने भएका छन्।
प्रधानमन्त्री निकट स्रोतका अनुसार त्रिपक्षीय छलफल प्रधानमन्त्री निवास वालुवाटारमा साँझ ४ बजे हुँदैछ। जहाँ सरकारको तर्फबाट प्रधानमन्त्री कार्की, गृहमन्त्री ओमप्रकाश अर्याल र सञ्चारमन्त्री जगदीश खरेल उपस्थित हुनेछन्। बैठकमा प्रधानमन्त्रीका प्रमुख सल्लाहकार अजयभद्र खनाल समेत सहभागी हुनेछन्।
जेनजीबाट १४ जना र विभिन्न राजनीतिक दलका १६ जना नेता सहभागी हुनेछन्। जेनजीको आन्दोलनपछि बदलिएको परिस्थितिमा त्रिपक्षीय छलफल पहिलो पटक हुन लागेको हो। जेनजी र पार्टी नेताहरूको नाम भने सचिवालयले खुलाएको छैन।
प्रकाशित: १२ कार्तिक २०८२ १२:४९
प्रतिक्रिया
