सेती र फेवाताल किनारमा छठको उल्लास (तस्बिरहरू)

पोखरा- पोखरामा पनि छठको रौनक छाएको छ। सेती नदी र फेवाताल किनारमा श्रद्धालुहरूले अस्ताउँदो सूर्यलाई अर्घ दिँदै पूजा अर्चना गरे। छठ गीत, माटोका दीप र फलफूलले सजिएका घाटहरूमा भक्ति र सौन्दर्य दुवै मिसिएको दृश्यले सहरको सांस्कृतिक विविधता झल्काएको छ।

सूर्य उपासना र पवित्रताको प्रतीक छठ पर्व अब मधेशमा मात्रै सीमित रहेन। हिमाली सहर पोखरामा पनि सेती नदी र फेवाताल किनार उज्यालो र भक्तिभावले भरिएका छन्।

महिलाहरूको रंगीन पोसाक, गीत र सूर्यप्रति समर्पणले पोखराको साँझलाई आध्यात्मिक बनाएको छ। अस्ताउँदो सूर्यलाई जल चढाउँदै दीप प्रज्वलित घाटहरूमा देखिएको भक्तिभावले यस वर्षको छठ पर्वमा पोखरालाई आस्था र एकताको उज्यालो सहरमा रूपान्तरण गरेको छ।

तस्बिरहरू