शान्ति सैनिकको अदलीबदली

काठमाडौँ– संयुक्त राष्ट्रसंघको आह्वानमा शान्ति स्थापनाका लागि युनाइटेड मिसन नेसन्स मिसन इन साउथ सुडानमा (अनमिस) मा सहभागी श्रीनाथ गण शान्तिसेना १४ औँ डफ्फा बदली भएको छ।

नयाँ गोरख गण शान्ति सेना १५औँ डफ्फाका १७५ जना शान्ति सैनिकको टोली मंगलबार कार्यक्षेत्र दक्षिण सुडान प्रस्थान गरेको छ। श्रीनाथ गणका १७६ जना सोमबार फिर्ता भएका सैनिक जनसम्पर्क निर्देशनालयले जनाएको छ।

दक्षिण सुडानमा राष्ट्रसंघीय शान्ति मिसनमा विभिन्न देशका सेनासँग नेपाली सेनाका एक हजार ७५७ जनाले समन्वय र सहकार्यका साथ शान्ति स्थापनामा क्रियाशील छन्।