हिमाल प्रेस 
राष्ट्रिय युवा संघ नेपालले भक्तपुरको सूर्यविनायक नगरपालिका–७ मा शनिबार आयोजना गरेको भेटघाट कार्यक्रममा सम्बोधन गर्दै एमालेका अध्यक्ष केपी शर्मा ओली। तस्बिर : रासस
काठमाडौँ– जेनजीको आन्दोलनपछि नेकपा एमालेको पहिलोपटक सचिवालय बैठक बसेको छ ।
बैठक भक्तपुरस्थित गुण्डुमा अध्यक्ष केपी शर्मा ओलीको निवासमा बसेको थियो । बैठकले तीन वटा निर्णय गरेको छ ।
जस अनुसार, पार्टी अध्यक्ष केपी शर्मा ओली लगायतका पाँच जनाको पासपोर्ट रोक्का गर्ने सरकारको निर्णयमा एमालेले गम्भीर ध्यानाकर्षण गराएको छ । एमालेले यसलाई प्रतिशोधयुक्त निर्णय समेत भनेको छ ।
‘यसअघि नै गृह मन्त्रालय मार्फत् मिडिया ट्रायल गरेर अनि दशैँको मौका पारेर गरिएको यस राजनीतिक प्रतिशोधयुक्त कदमप्रति केन्द्रीय सचिवालय गंभीर आपत्ति प्रकट गर्दछ,’ एमालेको निर्णयमा उल्लेख छ ।
नेपाल प्रहरीलाई निर्बाध काम गर्ने वातावरण सुनिश्चित गर्न पनि एमालेले ध्यानाकर्षण गराएको छ ।
प्रकाशित: १२ असोज २०८२ २०:२६
प्रतिक्रिया
