हिमाल प्रेस 
प्रधानमन्त्री सुशीला कार्की।
काठमाडौँ- भारतले सुशीला कार्कीको नेतृत्वमा नयाँ अन्तरिम सरकार गठन भएकोमा स्वागत गरेको छ।
राष्ट्रपतिबाट शपथग्रहण सकिएको केही बेरमै भारतीय विदेश मन्त्रालयले विज्ञप्ति जारी गर्दै स्वागत गरेको हो।
यसले नेपालको शान्ति र स्थिरता कायम गर्न मद्दत गर्नेछ भन्नेमा आफूहरू आशावादी रहेको भारतले जनाएको छ।
‘नजिकको छिमेकी, लोकतान्त्रिक साझेदार तथा दीर्घकालीन विकास साझेदारका हैसियतले भारत नेपालसँग दुवै देश र जनताको हित तथा समृद्धिका लागि नजिकबाट सहकार्य गर्न निरन्तर तयार रहनेछ,’ विज्ञप्तिमा भनिएको छ।
प्रकाशित: २८ भदौ २०८२ ६:३५
प्रतिक्रिया
