राति १० बजेदेखि सेनासहित सुरक्षा निकाय परिचालन

काठमाडौँ- नेपाली सेनाले नेपाल र नेपालीको सुरक्षाको लागि स्थिति नियन्त्रण गर्न मंगलबार राति १० बजेदेखि परिचालित भएको छ।

सेनाले विज्ञप्तिमार्फत हालको विषम परिस्थितिको अनुचित फाइदा उठाई केही समूहरूले सर्वसाधारण नागरिक तथा सार्वजनिक सम्पत्ति समेतमा अत्यधिक क्षति पुर्‍याउने, लुटपाट एवं आगजनी गर्ने कार्य भइरहेको हुँदा यस किसिमका गतिविधि नगर्न/नगराउन आग्रह गरेको हो।

सेनाले यस किसिमका गतिविधि नरोकिएको खण्डमा नेपाली सेनालगायत सम्पूर्ण सुरक्षा निकायहरू आफ्नो प्रमुख जिम्मेवारी नेपाल र नेपालीको सुरक्षाका लागि स्थिति नियन्त्रण गर्न रातिको १० बजेदेखि दृढ रहने प्रतिबद्ध जनाएको छ।

सेनाले सम्पूर्ण राष्ट्रवासीलाई सहयोगका लागि अपिल समेत गर्दै तत्पश्चात, सुरक्षा स्थितिको पुनःमूल्यांकन गरी थप सूचना जारी गरिने विज्ञप्तिमा उल्लेख गरेको छ।