ट्रमा सेन्टरमा मृत्यु भएका तीनजनाको सनाखत

काठमाडौँ- राष्ट्रिय ट्रमा सेन्टरमा मृत्यु भएका तीनजनाको पहिचान खुलेको छ। मृत्यु भएका ६ जनामध्ये तीनजनाको पहिचान खुलेको हो। मृत्यु हुनेमा ग्लोबल कलेजका विद्यार्थी श्रीयाम चौलागाईँ, बाँकेका सुलभ श्रेष्ठ र कीर्तपुरका बुद्धि तामाङ रहेका ट्रमा सेन्टर प्रशासनले जनाएको छ। अन्य तीनजनाको भने पहिचान खुल्न बाँकी रहेको छ।

ट्रमा सेन्टरमा ५० जना घाइतेको उपचार भइरहेको छ। भ्रष्टाचार र सामाजिक सञ्जालमा रोक लगाउने सरकारको निर्णयविरूद्ध जेनजी युवाले गरेको प्रदर्शनका क्रममा प्रहरीले गोली चलाएको हो। प्रहरीको गोली लागेर काठमाडौँमा १७ जना प्रदर्शनकारीको मृत्यु भएको बताइएको छ।