सुनको मूल्य प्रतितोला २ लाख १० हजार नाघ्यो

काठमाडौँ- लगातार बढेको सुनको मूल्य थप बढेको छ। बिहीबार स्थिर रहेको सुनको मूल्य शुक्रबार प्रतितोला २५ सय रुपैयाँले बढेको हो।

बिहीबार प्रतितोला दुई लाख सात हजार ९ सय रुपैयाँमा कारोबार सुन शुक्रबार दुई लाख १० हजार ४ सय रुपैयाँ पुगेको नेपाल सुनचाँदी व्यवसायी महासंघले सार्वजनिक गरेको तथ्यांकले देखाएको छ।

पछिल्लो समय अन्तर्राष्ट्रिय बजारमा सुनको माग बढ्नाले स्थानीय बजारमा पनि मूल्य बढिरहेको छ। त्यस्तै, शुक्रबार चाँदीको मूल्य पनि प्रतितोला दश रुपैयाँले बढेको छ।

बिहीबार २४ सय ८० रुपैयाँमा कारोबार भएको चाँदी शुक्रबार २४ सय ९० रुपैयाँमा कारोबार भएको छ। अन्तर्राष्ट्रिय बजारमा आज सुन प्रतिऔंस ३५ सय ५७ अमेरिकी डलरमा कारोबार भइरहेको छ।