पुटिनले गरे अमेरिकी नीतिको आलोचना

काठमाडौँ- रूसका राष्ट्रपति भ्लादिमिर पुटिनले अमेरिकाद्वारा भारत र चीनलाई भन्सार शुल्क तथा दबाबमार्फत नियन्त्रित गर्न खोज्ने रणनीतिको आलोचना गरेका छन्। उनले भने, ‘तपाईं भारत वा चीनसँग यसैगरी व्यवहार गर्न सक्नुहुन्न, जसले अमेरिकी दबाबलाई ‘उपनिवेशवादी मानसिकताको अवशेष’ भनेर चित्रण गरेको छ।’

चीनमा पत्रकारसँगको कुराकानीमा पुटिनले भारत र चीनमाथि अमेरिकी दबाबबारे भने, ‘तपाईंसँग भारत जस्तो देश छ, जसको जनसंख्या करिब १.५ अर्ब छ। चीन शक्तिशाली अर्थतन्त्र भएको देश हो। तर यी देशहरूको आफ्नै घरेलु राजनीतिक संयन्त्र छन्।’

उनले उपनिवेशवादी युग समाप्त भइसकेको पनि बताए। अब यस्तो दृष्टिकोणलाई साझेदारको रूपमा समेटेर विचार गर्नुपर्ने बेला आएको पुटिनको भनाइ छ। उनले भने, ‘अन्ततः सबै कुरा मिल्नेछन्, सबै कुरा आफ्नो स्थानमा आउनेछ र हामी फेरि सामान्य राजनीतिक संवाद देख्नेछौँ।’

पुटिनका टिप्पणीहरू हालै अमेरिकी राष्ट्रपति ट्रम्पले भारतमा ५० प्रतिशत भन्सार शुल्क लगाउने निर्णयसँग सम्बद्ध छन्।