हिमाल प्रेस 
काठमाडौँ- काठमाडौँं उपत्यकामा आंशिक रुपमा बैंक तथा वित्तीय संस्था खुलेका छन्।
सीमित कर्मचारीमार्फत अत्यावश्यक बैंकिङ तथा डिजिटल भुक्तानीसम्बन्धी सेवा सञ्चालन गर्न नेपाल राष्ट्र बैंकले आग्रह गरेपछि आंशिक रुपमा बैंक तथा वित्तीय संस्था खुलेका हुन्।
राष्ट्र बैंकले सम्पूर्ण इजाजतप्राप्त बैंक, विकास बैंक, वित्त कम्पनी तथा भुक्तानीसम्बन्धी कार्य गर्ने संस्थालाई व्यावसायिक निरन्तरता दिन भनेको छ।
बैंक तथा वित्तीय संस्थाले आफ्ना संवेदनशील प्रणाली सीमित कर्मचारीमार्फत सञ्चालन गरी अत्यावश्यक बैंिकङ तथा डिजिटल भुक्तानीसम्बन्धी सेवा सञ्चालन गर्नुपर्ने राष्ट्र बैंकको सूचनामा उल्लेख छ।
सुरक्षाका कारण अधिकांश बैंक तथा वित्तीयका साथै एटिएमसमेत बन्द भएपछि सेवाग्राहीहरु प्रभावित भएका छन्।
प्रकाशित: २६ भदौ २०८२ १४:४० | Thursday, September 11, 2025
प्रतिक्रिया
